Avd. da Ribeira
27780 Foz (Lugo)
Tlf: 982. 13 35 66 / Fax: 982. 14 02 21
e mail: muller@concellodefoz.es
| Horario xeral: | |
| Luns a venres: | de 08h a 15h |
| Horario de verán (Do 1 xuño a 31 agosto): | |
| Luns a venres: | de 08h a 14h |
A Delegación da Muller do Concello de Foz traballa para acadar unha igualdade efectiva entre homes e mulleres, tentando superar a brecha de desigualdade existente.
Para esto, a colaboración coas asociacións de mulleres do municipio é fundamental. A través de diferentes actividades de sensibilización e formación, así como de asesoramento, trabállase para acadar este obxectivo.
Esta Delegación pon a disposición das mulleres os recursos e instrumentos necesarios para intentar lograr unha convivencia en igualdade.
Non dubides en poñerte en contacto connosco para calquera consulta.
PUNTO DE INFORMACIÓN Á MULLER
No Centro Social de Foz, realízase unha labor de asesoramento e información coa atención dunha psicóloga e dunha avogada.
Préstase un servizo de información e asesoramento preciso para mulleres, especialmente ás vítimas da violencia. Ofrécense posibilidades, recursos, atención, apoio, resolución de consultas xurídicas,…
Pode acudir os mércores, en horario de 11h. a 13h.
PLAN DE IGUALDADE
O Concello de Foz aprobou no mes de marzo de 2009 o I Plan de Igualdade, que ten unha temporalización de 2009 a 2012. As áreas que se tratan neste Plan son un total de 6:
- Sensibilización e Promoción Municipal da Igualdade
- Participación Social e Asociacionismo
- Educación, Cultura e Xuventude
- Benestar Social, Saúde e Deporte
- Formación e Emprego
- Violencia de xénero
A loita pola igualdade de oportunidades entre homes e mulleres supón un esforzo conxunto entre Administracións, axentes sociais, asociacións, centros educativos,… Só o traballo real e coordinado entre todos/as impulsará este Plan.
Por este motivo créase á vez que este Plan, un Consello da Igualdade, onde están representados/as diferentes axentes sociais, asociacións, … así como traballadores/as do Concello. É un órgano consultivo, asesor, de participación e seguimento que ten como obxectivo principal incentivar a participación social na loita pola igualdade de oportunidades entre mulleres e homes nos diferentes ámbitos. Así como promover esta igualdade a través de iniciativas e velar polas condicións que a posibiliten.